Pwertahan*

Nagaragitnit, amat-amat bukas.

Makita n‘ya hilimuson nga naga-awas.

Kagina matinlo pa.

Subong garinungkadol na.

Nagaragitnit, amat-amat bukas.

Makita n’ya sosyudad nga naga tililikwas.

Indi mabatasan.

Sang-una kag subong ara guid ang kapigaduhon.

Nagaragitnit, amat-amat bukas.

Dala n’ya naman ang silhig kag daspan,

Ti-on n’ya na nga mag paninlo sa “KAS.”**

Gahingagaw nga indi maabtan sang mga estudyante nga suya-an.

Nagaragitnit, amat-amat bukas.

Malinong, limpyo, kag kahaladlukan.

Dala ang mop, ang banyo tinlo-an.

Kag basin, lababo, espeyo nga wasak man paga-tinloan.

Nagaragitnit, amat-amat bukas.

Amo ni gali ang opisina ni Ma’am?

Matugnaw, sirado, kag daw indi guid pang-pigado.

Tani sa malapit nga tini-on bata n’ya malab-ot man ‘ni nga halandumon.

Nagaragitnit, amat-amat bukas.

Sa tunga sang kapura-uton,

Tani kabuhi nila magabaskog gihapon.

Nga sa kada ragitnit kag pagbukas, makita ang paglaum!

###STP###

*Door; By JoeMa Artajo, Jr.11-22-210

**..or College of Arts and Sciences